Taniqli murabbiy Fabio Kapello Paolo Maldinining Italiya terma jamoasiga texnik direktor etib tayinlanganini qo‘llab-quvvatladi.
«U bizga kerak bo‘lgan aynan o‘sha inson. U jiddiy, bilimdon va e’tiborli. U ko‘p gapiradiganlardan emas — u ishlaydi. Uning g‘oyalari bor va ishonamanki, unda allaqachon aniq loyihasi shakllantirilgan», — deya Kapelloning so‘zlaridan iqtibos keltiradi La Gazzetta dello Sport.
Shuningdek, Kapello «skuadra adzurra»ning navbatdagi bosh murabbiyi haqida ham o‘z fikrlarini bildirib o‘tdi.
«Men avval ham aytganman, men Konteni tanlagan bo‘lardim. U Italiya terma jamoasi bilan yaxshi ishlagan. Manchini ham yaxshi murabbiy, ammo muhim o‘yinlarga bir necha kun qolganida milliy jamoadan ketishi — unutib bo‘lmaydigan darajadagi katta xato», — dedi Kapello.
