Таниқли мураббий Фабио Капелло Паоло Мальдинининг Италия терма жамоасига техник директор этиб тайинланганини қўллаб-қувватлади.

«У бизга керак бўлган айнан ўша инсон. У жиддий, билимдон ва эътиборли. У кўп гапирадиганлардан эмас — у ишлайди. Унинг ғоялари бор ва ишонаманки, унда аллақачон аниқ лойиҳаси шакллантирилган», — дея Капеллонинг сўзларидан иқтибос келтиради La Gazzetta dello Sport.

Шунингдек, Капелло «скуадра адзурра»нинг навбатдаги бош мураббийи ҳақида ҳам ўз фикрларини билдириб ўтди.

«Мен аввал ҳам айтганман, мен Контени танлаган бўлардим. У Италия терма жамоаси билан яхши ишлаган. Манчини ҳам яхши мураббий, аммо муҳим ўйинларга бир неча кун қолганида миллий жамоадан кетиши — унутиб бўлмайдиган даражадаги катта хато», — деди Капелло.