Londonning «Arsenal» klubi qanot hujumchisi Leandro Trossar «Beshiktosh»ga o‘tishi mumkin.

Insayder Fabrisio Romano xabar berishicha, Turkiya klubi yaqin kunlarda 31 yoshli futbolchi bo‘yicha kelishuvni yopishiga ishonmoqda. Belgiyalik futbolchining xaridi «Beshiktosh» uchun 20 million yevroga tushadi.

Jurnalist Yag‘iz Sabunjuo‘g‘lining ma’lumotlariga ko‘ra, «Beshiktosh» Trossarga uzaytirish imkoniyati bilan 2029 yilgacha mo‘ljallangan shartnoma taklif qilgan. Futbolchi hozircha yakuniy roziligini bergani yo‘q — barchasi uning qaroriga bog‘liq bo‘lib turibdi.

O‘tgan mavsumda Trossar barcha musobaqalarda 50 ta o‘yin o‘tkazib, 8 ta gol urdi va 11 ta golli uzatmani amalga oshirdi.