Лондоннинг «Арсенал» клуби қанот ҳужумчиси Леандро Троссар «Бешиктош»га ўтиши мумкин.

Инсайдер Фабрицио Романо хабар беришича, Туркия клуби яқин кунларда 31 ёшли футболчи бўйича келишувни ёпишига ишонмоқда. Бельгиялик футболчининг хариди «Бешиктош» учун 20 миллион еврога тушади.

Журналист Яғиз Сабунжуўғлининг маълумотларига кўра, «Бешиктош» Троссарга узайтириш имконияти билан 2029 йилгача мўлжалланган шартнома таклиф қилган. Футболчи ҳозирча якуний розилигини бергани йўқ — барчаси унинг қарорига боғлиқ бўлиб турибди.

Ўтган мавсумда Троссар барча мусобақаларда 50 та ўйин ўтказиб, 8 та гол урди ва 11 та голли узатмани амалга оширди.