Ispaniya terma jamoasi yarim himoyachisi Rodri jamoadoshi Lamin Yamal haqida o‘z fikrlarini bildirib o‘tdi.

Rodrining so‘zlariga ko‘ra, yosh iqtidor egasi ba’zida ortiqcha bosimni kamaytirishi va xotirjamroq o‘ynashi kerak.

"Menimcha, Lamin ba’zida o‘zini isbotlash istagi sabab yuzaga keladigan bosim va hayajonni biroz kamaytirishi kerak. U biz uchun to‘p bilan ham, to‘psiz ham nihoyatda muhim futbolchi. Juda aqlli yigit. Aslida u endigina 19 yoshda. Shu sababli o‘yinning ayrim pallalarida uni yo‘naltirishimiz va tinchlantirishimizga to‘g‘ri keladi, chunki futbol uning qonida bor", — deydi Rodri.

Shuningdek, tajribali yarim himoyachi murabbiyning ko‘rsatmalariga to‘xtalib, bo‘lajak muhim bahsda Yamalning roli katta bo‘lishiga umid bildirdi.

"Murabbiy ham kecha aytganidek, biz xotirjamroq bo‘lishimiz kerak. Gap shunchaki u o‘z imkoniyatlarini namoyish etishi uchun eng qulay lahzani topishda. Fransiyaga qarshi o‘yinda u biz uchun muhim rol o‘ynashiga umid qilamiz. Yevropada shunchalik yetuk futbolchini ko‘rganimizdan keyin, yana ikki yildan so‘ng u nimalarga qodir bo‘lishidan unchalik hayron qolmaymiz", — deya qo‘shimcha qildi u.

Rodri Yamalning yosh bo‘lishiga qaramay ko‘rsatayotgan o‘yinini yuqori baholab, o‘z faoliyati bilan taqqosladi:

"Albatta, uning bularning barchasini shu yoshida amalga oshirayotgani hayratlanarli. Men uning yoshida hali professional faoliyatimni ham boshlamagandim, yuqori saviyada o‘ynash haqida esa gap ham bo‘lishi mumkin emas edi. U juda yetuk yigit. Albatta, o‘yinni yanada chuqurroq tushunish borasida hali rivojlanishi mumkin va bu uning yoshini hisobga olganda tabiiy. Ammo uning qanday ajoyib darajaga ega ekanini hammamiz juda yaxshi bilamiz".