«Barselona» prezidenti Joan Laporta Ispaniya terma jamoasi bosh murabbiyi Luis de la Fuentening JCH-2026 chorak finalida Belgiyaga qarshi o‘yinda Pedrini zaxirada qoldirish qarori haqida o‘z fikrini bildirdi.

«Ko‘k-anorranglilar»ning yulduz yarim himoyachisi kutilmaganda asosiy tarkibga kiritilmadi va maydonga faqat 55-daqiqada tushdi.

«Menimcha, Pedrining asosiy tarkibga kiritilmagani — bu shunchaki yuklamani taqsimlashdir. Mening nazarimda, u har doim asosiy tarkibning temir o‘yinchisi. U o‘zini a’lo darajada ko‘rsatdi, ammo Ispaniya terma jamoasida maydonda o‘z o‘rniga loyiq bo‘lgan boshqa ko‘plab yaxshi o‘yinchilar ham bor», — deya Laportaning so‘zlarini keltiradi Barca Universal.

Ispaniya Belgiyani 2:1 hisobida mag‘lub etdi. Yarim finalda «qizil furiya» Fransiya terma jamoasiga qarshi bahs olib boradi.