«Fiorentina»ning 35 yoshli ispaniyalik darvozaboni David de Xeaning kelajagi haqida yangi ma’lumot paydo bo‘ldi.
Avvalroq «binafsharanglilar» qiziqarli taklif tushsa, o‘z darvozabonini sotishga tayyor ekanliklari xabar qilingandi.
Biroq, insayder Nikolo Skiraning xabar berishicha, «Fiorentina» De Xeani keyingi mavsumda ham asosiy darvozabon sifatida olib qolishga qaror qilgan.
De Xea Italiya jamoasiga 2024 yilda kelib qo‘shilgan. O‘tgan mavsumda u barcha musobaqalarda 46 ta o‘yin o‘tkazib, 59 ta gol o‘tkazib yubordi va 13 marta o‘z darvozasi daxlsizligini saqlab qoldi.
Darvozabonning «Fiorentina» bilan amaldagi mehnat shartnomasi 2028 yilning o‘rtalarigacha mo‘ljallangan.
