«Liverpul»ning yangi bosh murabbiyi Andoni Iraola klubning transfer siyosati haqidagi fikrlari bilan o‘rtoqlashdi.

«Qizillar» safini allaqachon 20 yoshli markaziy himoyachi Jeremi Jake va 22 yoshli vinger Viktor Munyos to‘ldirishdi, biroq transferlar bozoridagi ishlar shu bilan yakunlanmaydigan ko‘rinadi.

«Biz ikki nafar o‘yinchini tarkibga qo‘shib oldik, lekin bizga yanada ko‘proq futbolchi kerak — buni yaxshi bilamiz. Klub yangi transferlar ustida ishlamoqda. Albatta, murabbiy sifatida barcha yangi o‘yinchilar ilk kundan boshlab jamoa bilan birga bo‘lishini istardim, ammo transferlar bunday ishlamasligidan xabardormiz. Shu sababli, keyingi xaridlarni amalga oshirish uchun astoydil mehnat qilyapmiz», — deya ispaniyalik mutaxassisning so‘zlarini keltiradi Anfield Sector.

Eslatib o‘tamiz, Andoni Iraola yoz boshida ishdan bo‘shatilgan Arne Slotning o‘rnini egallab, «Liverpul»ga bosh murabbiy etib tayinlangan edi.