«Ливерпуль»нинг янги бош мураббийи Андони Ираола клубнинг трансфер сиёсати ҳақидаги фикрлари билан ўртоқлашди.

«Қизиллар» сафини аллақачон 20 ёшли марказий ҳимоячи Жереми Жаке ва 22 ёшли вингер Виктор Муньос тўлдиришди, бироқ трансферлар бозоридаги ишлар шу билан якунланмайдиган кўринади.

«Биз икки нафар ўйинчини таркибга қўшиб олдик, лекин бизга янада кўпроқ футболчи керак — буни яхши биламиз. Клуб янги трансферлар устида ишламоқда. Албатта, мураббий сифатида барча янги ўйинчилар илк кундан бошлаб жамоа билан бирга бўлишини истардим, аммо трансферлар бундай ишламаслигидан хабардормиз. Шу сабабли, кейинги харидларни амалга ошириш учун астойдил меҳнат қиляпмиз», — дея испаниялик мутахассиснинг сўзларини келтиради Anfield Sector.

Эслатиб ўтамиз, Андони Ираола ёз бошида ишдан бўшатилган Арне Слотнинг ўрнини эгаллаб, «Ливерпуль»га бош мураббий этиб тайинланган эди.