«Liverpul» bosh murabbiyi Andoni Iraola yarim himoyachi Xarvi Elliott mavsumoldi tayyorgarlik vaqtida o‘z mahoratini ko‘rsatish imkoniyatiga ega bo‘lishini ma’lum qildi. 23 yoshli futbolchi «Aston Villa»dagi ijara muddati tugagach, mersisaydliklar ixtiyoriga qaytdi.

«Xarvi hozir biz bilan, men uning o‘zini ko‘rsatishga va imkon qadar yaxshiroq tayyorgarlik ko‘rishga bo‘lgan ishtiyoqini ko‘rib turibman. Uning mavsumoldi yig‘inida imkoniyati bo‘ladi, u bizga kerak bo‘ladi», — deya Iraolaning so‘zlarini keltiradi The Independent.

«Umid qilamanki, uni yaxshi holatda ko‘ramiz. Menimcha, o‘tgan mavsum Xarvi uchun og‘ir va g‘alati kechdi. Unga oson bo‘lmadi, ammo bu salbiy tajriba uning «Liverpul»da muvaffaqiyatga erishish istagini yanada kuchaytiradi, deb umid qilaman», — deya qo‘shimcha qildi murabbiy.

Elliott o‘tgan mavsumda atigi 11 ta o‘yinda maydonga tushdi (284 daqiqa ichida 1 ta gol). U «Aston Villa» tomonidan shartnomadagi xarid qilish bandini faollashtirishni istamasliklari sababli jamoa tarkibiga kiritilmay qo‘ygan edi.