32 yoshli yarim himoyachi Paulo Dibala «Roma» bilan yangi shartnoma imzoladi.
Argentinalik futbolchi rimliklar bilan 2027 yilning 30 iyuniga qadar mo‘ljallangan kelishuvni imzoladi.
Jurnalist Janluka Di Marsio xabariga ko‘ra, shartnomada uni uzaytirish bandi ko‘zda tutilmagan. Dibala bonuslardan tashqari yiliga 3 million yevrodan biroz kamroq maosh oladi.
Yarim himoyachi Italiya klubi safida 2022 yilning iyulidan buyon to‘p surib kelmoqda.
O‘tgan mavsumda Dibala A Seriyaning 22 ta uchrashuvida 2 ta gol urdi va 6 ta golli uzatmani amalga oshirdi.
