"Liverpul"ning yangi bosh murabbiyi Andoni Iraola tayinlanganidan keyin ilk bor matbuot bilan muloqot qildi.

Ispaniyalik mutaxassis mersisaydliklar boshqaruvini Arne Slot iste’foga chiqarilganidan so‘ng o‘z qo‘liga oldi. Slot qo‘l ostida jamoa Angliya Premyer-ligasida chempionlik unvonini himoya qila olmagandi.

"Men muxlislarga ular faxrlana oladigan jamoa taqdim etmoqchiman", - deya Iraolaning so‘zlarini keltiradi "Daily Mail".

"Men bu ulkan klub ekanligini tushunaman. Aytgan yoki qilgan har bir ishim qattiq nazorat ostida bo‘ladi. Xatolarga tayyor turish kerak, ammo men juda ehtiyotkor bo‘lishni istamayman. Men o‘zligimcha qolishni va ishimni me’yorida bajarishni xohlayman", - deya qo‘shimcha qildi u.

Kelasi hafta "Liverpul" AQSH bo‘ylab turnega yo‘l oladi va u yerda "Sanderlend", "Lids" va "Reksem" klublariga qarshi o‘rtoqlik uchrashuvlarini o‘tkazadi.