«Vulverxempton» yarim himoyachisi Joao Gomes «Manchester Yunayted»ga o‘tishi mumkin.

«Qizil iblislar» Andrey Santos va Yuri Tilemans bo‘yicha kelishuvlardan so‘ng yarim himoya chizig‘ini qayta qurishni davom ettirmoqda. Football Insider ma’lumotlariga ko‘ra, Gomes mankunianliklarning yarim himoyadagi navbatdagi yangi o‘yinchisiga aylanishi mumkin. «Bo‘rilar» 25 yoshli braziliyalik futbolchini taxminan 30 million funt sterling (qariyb 35 million yevro) evaziga sotishga tayyorligi kutilmoqda va «MYU» ushbu imkoniyatni jiddiy o‘rganmoqda.

Joao Gomes o‘tgan mavsumda Premyer-liga doirasidagi 35 ta uchrashuvda «Vulverxempton» safida maydonga tushib, bir marta gol urdi va bitta golli uzatmani amalga oshirdi, ammo jamoasiga Chempionshipga tushib ketishdan qochishda yordam bera olmadi. Futbolchiga «Liverpul» ham qiziqish bildirmoqda.