«Kristal Pelas» markaziy himoyachisi Maksans Lakrua «Chelsi»ga o‘tishi mumkin.

CaughtOffside xabariga ko‘ra, «Chelsi» yaqin vaqt ichida «burgutlar»ga Lakrua bo‘yicha rasmiy taklif bilan chiqishni rejalashtirmoqda. Kutilishicha, «ko‘klar» «Kristal Pelas» futbolchisining narxini tushirish maqsadida o‘z himoyachisi Trevo Chalobani taklif qilishadi.

Lakruaning o‘zi «Chelsi»ga o‘tishga rozilik bildirgan. Ayni damda «burgutlar» 26 yoshli futbolchini 55 million yevroga baholamoqda.

2025/26 yilgi mavsumda Lakrua barcha turnirlarda 55 ta uchrashuvda maydonga tushib, uchta gol urdi va uchta golli uzatmani amalga oshirdi.