«Aston Villa» sport direktori Demian Vidagani argentinalik darvozabon Emiliano Martinesning jamoani tark etishi mumkinligi haqidagi mish-mishlarga munosabat bildirdi.

«Martines biz bilan qoladi. Biz uni sotishni rejalashtirmayapmiz. Uning «Yuventus»ga o‘tishi mumkinligi haqidagi gap-so‘zlar klubimizning pozisiyasini aks ettirmaydi. U biz uchun juda muhim o‘yinchi», — dedi funksioner 365Scores nashriga.

33 yoshli Martines 2020 yildan buyon «Aston Villa» safida to‘p suradi. O‘tgan mavsumda darvozabon barcha musobaqalarda 44 ta o‘yin o‘tkazib, 49 ta gol o‘tkazib yubordi va 14 ta uchrashuvda darvozasi daxlsizligini saqlab qoldi.

Eslatib o‘tamiz, argentinalik posbon ikki bor nufuzli France Football jurnali tomonidan yilning eng yaxshi darvozaboni deb topilgan.