«Астон Вилла» спорт директори Дэмиан Видагани аргентиналик дарвозабон Эмилиано Мартинеснинг жамоани тарк этиши мумкинлиги ҳақидаги миш-мишларга муносабат билдирди.

«Мартинес биз билан қолади. Биз уни сотишни режалаштирмаяпмиз. Унинг «Ювентус»га ўтиши мумкинлиги ҳақидаги гап-сўзлар клубимизнинг позициясини акс эттирмайди. У биз учун жуда муҳим ўйинчи», — деди функционер 365Scores нашрига.

33 ёшли Мартинес 2020 йилдан буён «Астон Вилла» сафида тўп суради. Ўтган мавсумда дарвозабон барча мусобақаларда 44 та ўйин ўтказиб, 49 та гол ўтказиб юборди ва 14 та учрашувда дарвозаси дахлсизлигини сақлаб қолди.

Эслатиб ўтамиз, аргентиналик посбон икки бор нуфузли France Football журнали томонидан йилнинг энг яхши дарвозабони деб топилган.