«Inter» «Liverpul» yarim himoyachisi Kyortis Jons bo‘yicha yangi taklif bildirdi, ammo u rad etildi. Bu haqda jurnalist Ben Jeykobs o‘z ijtimoiy tarmoqlarida xabar berdi.

Manbaga ko‘ra, milanliklar vositachilar orqali futbolchi uchun 32 million yevro taklif qilgan, biroq yana rad javobini olgan. Ingliz klubi Jonsni 40 million yevroga baholamoqda va undan kam mablag‘ evaziga futbolchi bilan xayrlashish niyatida emas. Agar «qizillar»ning talablari bajarilmasa, 25 yoshli yarim himoyachi jamoada qoladi.

O‘tgan mavsumda Jons 49 ta o‘yinda maydonga tushib, 3 ta gol urdi va 3 ta golli uzatmani amalga oshirdi. Uning klub bilan tuzgan shartnomasi 2028 yilga qadar mo‘ljallangan.