Fransiyalik hujumchi Jan-Filipp Mateta «Kristal Pelas»dan shartnomani uzaytirish bo‘yicha taklif oldi. Bu ma’lumotni jurnalist Nikolo Skira ommaga e’lon qildi.
Manbaga ishoniladigan bo‘lsa, «burgutlar» 29 yoshli hujumchi bilan tuzilgan mehnat shartnomasini 2030 yilgacha uzaytirish niyatida. Futbolchining amaldagi bitimi kelasi yilning iyun oyida yakuniga yetadi.
Avvalroq Matetaga «Manchester Yunayted», «Yuventus», «Milan» va boshqa klublar tomonidan qiziqish bildirilayotgani xabar qilingan edi.
Hujumchi 2021 yildan beri «Kristal Pelas» safida to‘p suradi. O‘tgan mavsumda u barcha turnirlarda 50 ta o‘yinda maydonga tushib, 16 ta gol urdi va 3 ta golli uzatmaga mualliflik qildi.
