Франциялик ҳужумчи Жан-Филипп Матета «Кристал Пэлас»дан шартномани узайтириш бўйича таклиф олди. Бу маълумотни журналист Николо Скира оммага эълон қилди.

Манбага ишониладиган бўлса, «бургутлар» 29 ёшли ҳужумчи билан тузилган меҳнат шартномасини 2030 йилгача узайтириш ниятида. Футболчининг амалдаги битими келаси йилнинг июнь ойида якунига етади.

Аввалроқ Матетага «Манчестер Юнайтед», «Ювентус», «Милан» ва бошқа клублар томонидан қизиқиш билдирилаётгани хабар қилинган эди.

Ҳужумчи 2021 йилдан бери «Кристал Пэлас» сафида тўп суради. Ўтган мавсумда у барча турнирларда 50 та ўйинда майдонга тушиб, 16 та гол урди ва 3 та голли узатмага муаллифлик қилди.