«Real» hujumchisi Vinisius Juniorning klubdagi kelajagi so‘roq ostida qolmoqda.
Jurnalist Mario Korteganing xabar berishicha, braziliyalik futbolchi va Madrid klubi o‘rtasida yangi shartnoma borasida hali ham kelishuvga erishilmagan. Tomonlar o‘rtasida kelishuvning moliyaviy shartlari bo‘yicha hanuzgacha jiddiy kelishmovchiliklar mavjud.
Vinisius Junior 2018 yilda 45 million yevro evaziga «Flamengo»dan «Real»ga o‘tgan edi. Uning «qaymoqranglilar» bilan amaldagi shartnomasi 2027 yilning 30 iyuniga qadar mo‘ljallangan. Hujumchi 2025/26 yilgi mavsumda madridliklar safida barcha turnirlarda 53 ta o‘yinda maydonga tushib, 22 ta gol urdi va 14 ta golli uzatmani amalga oshirdi. Transfermarkt portali Vinisiusning transfer qiymatini 140 million yevroga baholamoqda.
