«Реал» ҳужумчиси Винисиус Жуниорнинг клубдаги келажаги сўроқ остида қолмоқда.

Журналист Марио Кортеганинг хабар беришича, бразилиялик футболчи ва Мадрид клуби ўртасида янги шартнома борасида ҳали ҳам келишувга эришилмаган. Томонлар ўртасида келишувнинг молиявий шартлари бўйича ҳанузгача жиддий келишмовчиликлар мавжуд.

Винисиус Жуниор 2018 йилда 45 миллион евро эвазига «Фламенго»дан «Реал»га ўтган эди. Унинг «қаймоқранглилар» билан амалдаги шартномаси 2027 йилнинг 30 июнига қадар мўлжалланган. Ҳужумчи 2025/26 йилги мавсумда мадридликлар сафида барча турнирларда 53 та ўйинда майдонга тушиб, 22 та гол урди ва 14 та голли узатмани амалга оширди. Transfermarkt портали Винисиуснинг трансфер қийматини 140 миллион еврога баҳоламоқда.