«Tottenxem» himoyachisi Jed Spens shu yozda jamoasini o‘zgartirishi mumkin.
Football365 nashri xabariga ko‘ra, 25 yoshli futbolchi xizmatiga «Liverpul» qiziqish bildirmoqda. «Qizillar» o‘yinchining transferi bo‘yicha rasmiy taklif bilan chiqish imkoniyatini ko‘rib chiqmoqda.
Jed Spens 2022 yilda 14 million yevro evaziga «Midlsbro»dan «Tottenxem»ga o‘tgan edi. Uning «shporlar» bilan tuzgan shartnomasi 2029 yilning 30 iyuniga qadar mo‘ljallangan. 2025/26 yilgi mavsumda himoyachi London klubi safida barcha turnirlarda 44 ta o‘yinda maydonga tushdi, ammo samarali harakatlar (gol yoki assist) bilan ajralib turmadi. Transfermarkt portali futbolchining transfer qiymatini 30 million yevroga baholamoqda.
