Insayder Fabrisio Romano Pyer-Emerik Obameyangning «Deportivo»ga o‘tishini tasdiqladi. La-Korunya klubi tajribali yangi o‘yinchi uchun bor-yo‘g‘i 1,5 million yevro to‘laydi.
Eslatib o‘tamiz, Obameyang o‘tgan iyun oyida 37 yoshga to‘ldi. So‘nggi uch yil davomida u Fransiyada «Marsel» sharafini himoya qildi, keyin Saudiya Arabistoniga ketib, «Al-Qodisiya»da to‘p surdi, so‘ngra yana «Marsel»ga qaytdi.
Bungacha Obameyang «Sent-Etyen», Dortmundning «Borussiya»si, Londonning «Arsenal» va «Chelsi» klublarida o‘ynagan. Taniqli gabonlik hujumchi Ispaniyada avvalroq «Barselona» safida harakat qilgan.
«Deportivo» klubi uzoq vaqtdan so‘ng ilk bor La Ligaga qaytdi va yangi mavsumni elitada o‘tkazadi.
