«Manchester Yunayted» vingeri Markus Reshford «Fenerbaxche»ga o‘tishi mumkin.
Transfer News Live nashri Fanatik'ga tayanib xabar berishicha, Turkiya klubi angliyalik futbolchi uchun rasmiy taklif tayyorlamoqda. Istanbul klubi rahbariyati «qizil iblislar» bilan bitimni imkon qadar tezroq kelishib olishga umid qilmoqda.
Markus Reshford o‘tgan mavsumni «Barselona»da ijara asosida o‘tkazdi, biroq «ko‘k-anorranglilar» 28 yoshli futbolchini sotib olish huquqidan foydalanmaslikka qaror qilishdi. Transfermarkt portaliga ko‘ra, futbolchining bozor qiymati 40 million yevroni tashkil etadi.
«Fenerbaxche» Turkiya chempionatining o‘tgan mavsumini ikkinchi o‘rinda yakunlab, chempionlikni «Galatasaroy»ga boy bergan edi.
