«Манчестер Юнайтед» вингери Маркус Рэшфорд «Фенербахче»га ўтиши мумкин.
Transfer News Live нашри Fanatik'га таяниб хабар беришича, Туркия клуби англиялик футболчи учун расмий таклиф тайёрламоқда. Истанбул клуби раҳбарияти «қизил иблислар» билан битимни имкон қадар тезроқ келишиб олишга умид қилмоқда.
Маркус Рэшфорд ўтган мавсумни «Барселона»да ижара асосида ўтказди, бироқ «кўк-анорранглилар» 28 ёшли футболчини сотиб олиш ҳуқуқидан фойдаланмасликка қарор қилишди. Transfermarkt порталига кўра, футболчининг бозор қиймати 40 миллион еврони ташкил этади.
«Фенербахче» Туркия чемпионатининг ўтган мавсумини иккинчи ўринда якунлаб, чемпионликни «Галатасарой»га бой берган эди.
