Jahon chempionati-2026 finaliga chiqa olmagan Tomas Tuxelning Angliya terma jamoasi bosh murabbiyi sifatidagi kelajagi haqida ma’lumotlar paydo bo‘ldi.
Turnir yarim finalida inglizlar Argentinaga 1:2 hisobida imkoniyatni boy berib, finalga yo‘l ololmadilar.
Insayder Fabrisio Romanoning xabar berishicha, Angliya futbol assosiasiyasi Tuxelni iste’foga chiqarishni rejalashtirmayapti. Katta ehtimol bilan, aynan u 2028 yilda Buyuk Britaniyada bo‘lib o‘tadigan Yevropa chempionatida jamoani boshqaradi.
Avvalroq Tuxelning o‘zi mundial yakunlangach, iste’foga chiqish niyatida emasligini ma’lum qilgandi.
19 iyul kuni Angliya terma jamoasi JCH-2026 uchinchi o‘rin uchun bahsida Fransiya bilan kuch sinashadi. O‘yin Toshkent vaqti bilan soat 02:00 da (18 iyuldan 19 iyulga o‘tar kechasi) boshlanadi.
