Жаҳон чемпионати-2026 финалига чиқа олмаган Томас Тухелнинг Англия терма жамоаси бош мураббийи сифатидаги келажаги ҳақида маълумотлар пайдо бўлди.
Турнир ярим финалида инглизлар Аргентинага 1:2 ҳисобида имкониятни бой бериб, финалга йўл ололмадилар.
Инсайдер Фабрицио Романонинг хабар беришича, Англия футбол ассоциацияси Тухелни истеъфога чиқаришни режалаштирмаяпти. Катта эҳтимол билан, айнан у 2028 йилда Буюк Британияда бўлиб ўтадиган Европа чемпионатида жамоани бошқаради.
Аввалроқ Тухелнинг ўзи мундиал якунлангач, истеъфога чиқиш ниятида эмаслигини маълум қилганди.
19 июль куни Англия терма жамоаси ЖЧ-2026 учинчи ўрин учун баҳсида Франция билан куч синашади. Ўйин Тошкент вақти билан соат 02:00 да (18 июлдан 19 июлга ўтар кечаси) бошланади.
