Angliya terma jamoasi hujumchisi Xarri Keyn joriy Jahon chempionati uning faoliyatidagi oxirgisi bo‘ladimi, degan savolga javob qaytardi.
«Bu haqda gapirishga hali erta. Lekin Messiga qarang. U 39 yoshda va hamon yuqori saviyada o‘ynamoqda. Angliya sharafini himoya qilish — mening faxrim va quvonchim. Bu men dunyodagi eng yaxshi ko‘radigan ishim», — dedi Keyn o‘yindan so‘ng.
2026 yilgi Jahon chempionatida 32 yoshli Keyn yettita o‘yinda maydonga tushib, oltita gol urdi va bitta golli uzatmani amalga oshirdi. JCH-2026 hujumchi uchun faoliyatidagi uchinchi mundial bo‘ldi. U avvalroq 2018 yil Rossiyada va 2022 yil Qatarda bo‘lib o‘tgan Jahon chempionatlarida ishtirok etgan edi.
