Англия терма жамоаси ҳужумчиси Харри Кейн жорий Жаҳон чемпионати унинг фаолиятидаги охиргиси бўладими, деган саволга жавоб қайтарди.
«Бу ҳақда гапиришга ҳали эрта. Лекин Мессига қаранг. У 39 ёшда ва ҳамон юқори савияда ўйнамоқда. Англия шарафини ҳимоя қилиш — менинг фахрим ва қувончим. Бу мен дунёдаги энг яхши кўрадиган ишим», — деди Кейн ўйиндан сўнг.
2026 йилги Жаҳон чемпионатида 32 ёшли Кейн еттита ўйинда майдонга тушиб, олтита гол урди ва битта голли узатмани амалга оширди. ЖЧ-2026 ҳужумчи учун фаолиятидаги учинчи мундиал бўлди. У аввалроқ 2018 йил Россияда ва 2022 йил Қатарда бўлиб ўтган Жаҳон чемпионатларида иштирок этган эди.
