Braziliya terma jamoasining sobiq sardori va 2002 yilgi jahon chempioni Kafu nima uchun Braziliya JCH-2026 turnirida muvaffaqiyatsiz ishtirok etganini tushuntirib berdi.

Braziliyaliklar 1/8 final bosqichida Norvegiyaga (1:2) imkoniyatni boy berib, turnirni tark etishgan edi.

— Nima uchun Braziliya terma jamoasi JCH-2026 turnirida muvaffaqiyatsizlikka uchradi?

— Biz jamoamiz raqobatbardoshroq bo‘lishini kutgan edik. Ha, futbolchilar finalgacha yetib borishni istashadi, biroq mag‘lubiyat ham bo‘lib turadigan holat. Ammo mag‘lubiyatning ham farqi bor. Ko‘p narsa maydondagi xulq-atvorga bog‘liq. Ba’zida yutqazasan, lekin bor kuchingni berganingni, oxirgi daqiqagacha kurashganingni va raqib shunchaki kuchliroq bo‘lganini his qilasan. Afsuski, biz bu mundialda bunday holatni ko‘rmadik.

Braziliya terma jamoasida jangovar ruh, raqobatbardoshlik va g‘alabaga bo‘lgan ishtiyoq sezilmadi. Ular gol urish uchun oxirigacha kurashishmadi. Braziliyaliklar o‘ta loqayd ko‘rinishdi va kutganlarimizga umuman mos kelishmadi. Terma jamoamiz ochiqchasiga yomon o‘ynadi — bu fakt. Endi JCH-2030 turnirini kutamiz, — dedi Kafu.