Italiya terma jamoasi va "Udineze" hujumchisi Nikolo Dzanyolo asosiy jamoa mashg‘ulotlaridan chetlatilishi mumkin. Bu haqda Gazzetta dello Sport xabar bermoqda.
26 yoshli futbolchi haligacha klubning mavsum oldi tayyorgarlik jarayoniga qo‘shilgani yo‘q. Manbaga ko‘ra, o‘yinchi yangi shartnoma shartlaridan norozi va hozircha hujjatni imzolashdan bosh tortmoqda.
Mavsum yakunlangach, "Udineze" Dzanyoloni "Galatasaroy"dan sotib olgandi. Uning amaldagi shartnomasi 2029 yilga qadar mo‘ljallangan, ammo futbolchi moliyaviy shartlardan qoniqmagan. Tomonlar o‘rtasidagi kelishuvni qayta ko‘rib chiqish bo‘yicha muzokaralar boshi berk ko‘chaga kirib qoldi.
Agar Dzanyolo 22 iyul kuni boshlanadigan mavsum oldi tayyorgarlikning ikkinchi bosqichiga qadar jamoa ixtiyoriga qaytmasa, u asosiy tarkib mashg‘ulotlaridan chetlatilishi mumkin.
Avvalroq, forvardni A Seriyaning bir qator klublariga taklif qilishgani haqida xabarlar tarqalgan edi, biroq hozircha uning transferi bo‘yicha rasmiy takliflar kelib tushmagan.
