2026 yilgi Jahon chempionati yarim finalida Argentinadan uchralgan mag‘lubiyatdan so‘ng Tomas Tuxel Angliya terma jamoasi bosh murabbiyi lavozimini tark etishi kerak. Bunday fikrni «Aston Villa» sobiq hujumchisi Gabriel Agbonlaxor bildirdi.

Uning so‘zlariga ko‘ra, nemis mutaxassisi jamoaga g‘alaba qozonish taktikasi va psixologiyasini singdira olmagan. Ekspertning hisoblashicha, buning fonida Garet Sautgeytning xatolari unchalik sezilmay qolmoqda.

«Bizning murabbiyimiz shunchaki qo‘rqoq. U ketishi kerak. Angliya futbol assosiasiyasi bu borada qaror qabul qilishi zarur», — deya Agbonlaxorning so‘zlarini keltiradi talkSPORT.

Bundan tashqari, faxriy futbolchiga Tuxel tomonidan o‘yindan keyin aytilgan, hech narsadan afsuslanmasligi haqidagi so‘zlar yoqmadi va u buni takabburlik deb atadi.

Eslatib o‘tamiz, tarixda hali biror bir terma jamoa chet ellik murabbiy qo‘l ostida Jahon kubogini qo‘lga kiritmagan. Agbonlaxor ushbu faktga ham alohida e’tibor qaratdi.