2026 йилги Жаҳон чемпионати ярим финалида Аргентинадан учралган мағлубиятдан сўнг Томас Тухель Англия терма жамоаси бош мураббийи лавозимини тарк этиши керак. Бундай фикрни «Астон Вилла» собиқ ҳужумчиси Габриэль Агбонлахор билдирди.
Унинг сўзларига кўра, немис мутахассиси жамоага ғалаба қозониш тактикаси ва психологиясини сингдира олмаган. Экспертнинг ҳисоблашича, бунинг фонида Гарет Саутгейтнинг хатолари унчалик сезилмай қолмоқда.
«Бизнинг мураббийимиз шунчаки қўрқоқ. У кетиши керак. Англия футбол ассоциацияси бу борада қарор қабул қилиши зарур», — дея Агбонлахорнинг сўзларини келтиради talkSPORT.
Бундан ташқари, фахрий футболчига Тухель томонидан ўйиндан кейин айтилган, ҳеч нарсадан афсусланмаслиги ҳақидаги сўзлар ёқмади ва у буни такаббурлик деб атади.
Эслатиб ўтамиз, тарихда ҳали бирор бир терма жамоа чет эллик мураббий қўл остида Жаҳон кубогини қўлга киритмаган. Агбонлахор ушбу фактга ҳам алоҳида эътибор қаратди.
