Bir vaqtlar «Manchester Siti»da to‘p surgan Joleon Leskott Angliya terma jamoasining JCH-2026 yarim finalida Argentinadan uchralgan mag‘lubiyatini izohladi. Inglizlar o‘yin davomida hisobda oldinda borayotgan bo‘lsa-da, uchrashuv so‘ngida ikkita gol o‘tkazib yubordi (1:2).
Ekspert bu natijada «uch sherlar» bosh murabbiyi Tomas Tuxelni ayblash kerak emas, deb hisoblaydi.
«Musobaqadan chiqib ketganimiz achinarli, ammo men darhol kimnidir ayblashimiz kerak deb o‘ylamayman. Jahon chempionatida g‘olib bo‘lish uchun hech qanday ilohiy huquq yo‘q, ayniqsa, yarim finalda amaldagi jahon chempionlari va balki futbol tarixidagi eng buyuk o‘yinchiga qarshi o‘ynayotgan bo‘lsangiz», — deya Leskottning so‘zlaridan iqtibos keltiradi Goal.
Jahon chempionatining bronza medali uchun kechadigan bahsda inglizlar Fransiya terma jamoasiga qarshi maydonga tushadi. Uchrashuv 19 iyul kuni tunda bo‘lib o‘tadi.
