Бир вақтлар «Манчестер Сити»да тўп сурган Жолеон Лескотт Англия терма жамоасининг ЖЧ-2026 ярим финалида Аргентинадан учралган мағлубиятини изоҳлади. Инглизлар ўйин давомида ҳисобда олдинда бораётган бўлса-да, учрашув сўнгида иккита гол ўтказиб юборди (1:2).
Эксперт бу натижада «уч шерлар» бош мураббийи Томас Тухелни айблаш керак эмас, деб ҳисоблайди.
«Мусобақадан чиқиб кетганимиз ачинарли, аммо мен дарҳол кимнидир айблашимиз керак деб ўйламайман. Жаҳон чемпионатида ғолиб бўлиш учун ҳеч қандай илоҳий ҳуқуқ йўқ, айниқса, ярим финалда амалдаги жаҳон чемпионлари ва балки футбол тарихидаги энг буюк ўйинчига қарши ўйнаётган бўлсангиз», — дея Лескоттнинг сўзларидан иқтибос келтиради Goal.
Жаҳон чемпионатининг бронза медали учун кечадиган баҳсда инглизлар Франция терма жамоасига қарши майдонга тушади. Учрашув 19 июль куни тунда бўлиб ўтади.
