«Atletiko» bosh direktori Migel Anxel Xil Xulian Alvares bu yozda klubni tark etmasligini ma’lum qildi. Avvalroq «Barselona»ning argentinalik hujumchiga qiziqishi haqida xabarlar tarqalgan edi, biroq Madrid klubi uning sotilishini mutlaqo istisno qilmoqda.
«Mening pozisiyam aniq, klubning pozisiyasi ham aniq. Biz buni futbolchiga, uning vakillariga va «Barselona» prezidentiga yetkazdik. «Atletiko» Xulian uchun to‘g‘ri joy ekaniga, Xulian esa «Atletiko» uchun ideal hujumchi ekaniga mutlaqo shubham yo‘q. Biz uni saqlab qolmoqchimiz.
Yaqinda «Barsa» prezidentining «Atletiko»ga qilgan taklifi cheksiz emasligi haqidagi so‘zlarini eshitdim. Mening yagona javobim shuki: bizning rad javobimiz — cheksiz. Biz uni sotmoqchi emasmiz. Biz 100 million yevrolik taklifni qabul qilmadik va na 150, na 200 million yevrolik taklifni qabul qilamiz», — dedi Xil.
