«Атлетико» бош директори Мигел Анхель Хил Хулиан Альварес бу ёзда клубни тарк этмаслигини маълум қилди. Аввалроқ «Барселона»нинг аргентиналик ҳужумчига қизиқиши ҳақида хабарлар тарқалган эди, бироқ Мадрид клуби унинг сотилишини мутлақо истисно қилмоқда.

«Менинг позициям аниқ, клубнинг позицияси ҳам аниқ. Биз буни футболчига, унинг вакилларига ва «Барселона» президентига етказдик. «Атлетико» Хулиан учун тўғри жой эканига, Хулиан эса «Атлетико» учун идеал ҳужумчи эканига мутлақо шубҳам йўқ. Биз уни сақлаб қолмоқчимиз.

Яқинда «Барса» президентининг «Атлетико»га қилган таклифи чексиз эмаслиги ҳақидаги сўзларини эшитдим. Менинг ягона жавобим шуки: бизнинг рад жавобимиз — чексиз. Биз уни сотмоқчи эмасмиз. Биз 100 миллион евролик таклифни қабул қилмадик ва на 150, на 200 миллион евролик таклифни қабул қиламиз», — деди Хил.