Angliya terma jamoasi va «Chelsi»ning sobiq himoyachisi Jon Terri JCH-2026 yarim finalida inglizlarning Argentinadan uchragan mag‘lubiyatidan (1:2) so‘ng, argentinalik hujumchi Lionel Messiga bo‘lgan hayratini yashirmadi.
«Kecha 39 yoshli bu insonning o‘yinini kuzatish hayratlanarli edi. U barcha davrlarning eng buyuk futbolchisi va shu bilan birga, hamon eng yuqori darajada o‘ynashda davom etmoqda. Mendan tez-tez «Messini qanday to‘xtatish mumkin?» deb so‘rashadi. Javob oddiy: hech qanday. Agar unga qarshi qo‘pol o‘ynasangiz, u yanada kuchliroq bo‘lib ketadi. U juda baquvvat va kurashishni yaxshi ko‘radi. Bu insonda barchasi mujassam», — deb yozdi Terri ijtimoiy tarmoqdagi sahifasida.
JCH-2026 da Messi 8 ta gol urdi va 4 ta golli uzatmani amalga oshirdi.
JCH-2026 finali — Ispaniya va Argentina o‘rtasidagi bahs yakshanba, 19 iyul kuni «MetLayf» stadionida bo‘lib o‘tadi.
