«Manchester Yunayted» hujumchisi Markus Reshfordning transfer huquqlarini 47 million yevro evaziga sotib olish imkonini beruvchi bandning amal qilish muddati tugadi, deb xabar bermoqda The Athletic.

Endilikda 28 yoshli angliyalik futbolchining transferini faqat «Manchester Yunayted» bilan olib boriladigan muzokaralar orqali amalga oshirish mumkin. O‘yinchining «MYU» bilan amaldagi shartnomasi 2028 yilning yoziga qadar mo‘ljallangan. Transfermarkt portali Reshfordning bozor qiymatini 40 million yevroga baholamoqda.

Shu tariqa, turnirlar yakunlangach, agar hech narsa o‘zgarmasa, hujumchi «Manchester Yunayted» mashg‘ulotlariga qaytadi. O‘tgan mavsumni u ijara asosida «Barselona» safida o‘tkazdi. Kataloniya klubi futbolchini 30 million yevroga sotib olish huquqiga ega edi, ammo bu imkoniyatdan foydalanmaslikka qaror qildi.

Ta’kidlanishicha, 47 million yevrolik tovon puli haqidagi band Angliyaning ikki klubi — «Manchester Siti» va «Liverpul»ga nisbatan amal qilmagan.

Reshford «Barselona» safida barcha turnirlarda 49 ta o‘yin o‘tkazib, 14 ta gol urdi va 14 ta golli uzatmani amalga oshirdi.