«Liverpul» bosh murabbiyi Andoni Iraola jamoa boshqaruvidagi ilk mavsumida kutilayotgan natijalar haqida o‘z mulohazalarini bildirdi.

Ispaniyalik mutaxassis iyun oyi boshida Arne Slotning o‘rnini egallagan edi. «Bornmut»da ishlagan 44 yoshli murabbiy klub bilan 2028 yilgacha mo‘ljallangan shartnoma imzoladi.

«Ilk mavsumimda nima muvaffaqiyat hisoblanadi? Menimcha, bu haqda hukm chiqarish mening vazifam emas. Mavsum yakunlanganida, sizlar mening va jamoaning ishiga o‘zingiz xulosa qilasiz. «Liverpul»dagi kutilmalar qanday ekanini bilaman, ammo hozirgi asosiy maqsadim — jamoa qurish, har bir futbolchidan bor imkoniyatini talab qilib olish va ularning yanada kuchliroq bo‘lishiga yordam berish. Biz g‘alaba qozonishga va sovrinlar uchun kurashishga qodir kollektiv yaratishga harakat qilamiz», — dedi Iraola Stan Sport'ga bergan intervyusida.

O‘tgan mavsumda «Liverpul» Premyer-ligani beshinchi o‘rinda yakunlagandi.