Angliya terma jamoasi Tomas Tuxel borasida shoshqaloqlik bilan qaror qabul qilmasligi kerak. Bu haqda «Manchester Yunayted»ning sobiq hujumchisi Ueyn Runi ma’lum qildi.
Ekspertning fikricha, nemis mutaxassisi o‘rniga yagona munosib nomzod Xosep Gvardiola hisoblanadi.
«Agar Pep Gvardiolani taklif qilmasangiz, hozirgi vaqtda boshqa hech kimni ko‘rmayapman. Agar biz uni (Tuxelni) ishdan bo‘shatsak, unda kimni olib kelamiz?» — deya Runining so‘zlarini keltiradi BBC.
Uning qo‘shimcha qilishicha, Tuxel o‘z xatolaridan to‘g‘ri xulosa chiqarishni biladi, shuning uchun u jahon chempionatidagi qoniqarsiz natijadan so‘ng albatta tegishli xulosalar qiladi.
Eslatib o‘tamiz, Angliya JCH-2026 yarim finalida Argentinaga mag‘lub bo‘ldi va endi uchinchi o‘rin uchun Fransiya bilan kuch sinashadi.
