Англия терма жамоаси Томас Тухель борасида шошқалоқлик билан қарор қабул қилмаслиги керак. Бу ҳақда «Манчестер Юнайтед»нинг собиқ ҳужумчиси Уэйн Руни маълум қилди.
Экспертнинг фикрича, немис мутахассиси ўрнига ягона муносиб номзод Хосеп Гвардиола ҳисобланади.
«Агар Пеп Гвардиолани таклиф қилмасангиз, ҳозирги вақтда бошқа ҳеч кимни кўрмаяпман. Агар биз уни (Тухелни) ишдан бўшатсак, унда кимни олиб келамиз?» — дея Рунининг сўзларини келтиради BBC.
Унинг қўшимча қилишича, Тухель ўз хатоларидан тўғри хулоса чиқаришни билади, шунинг учун у жаҳон чемпионатидаги қониқарсиз натижадан сўнг албатта тегишли хулосалар қилади.
Эслатиб ўтамиз, Англия ЖЧ-2026 ярим финалида Аргентинага мағлуб бўлди ва энди учинчи ўрин учун Франция билан куч синашади.
