«Deportivo» klubi o‘zining rasmiy sayti orqali hujumchi Pyer-Emerik Obameyang o‘z safiga qo‘shilganini e’lon qildi. Gabonlik futbolchi La-Korunya jamoasi bilan ikki mavsumga – 2028 yilning o‘rtalarigacha mo‘ljallangan shartnoma imzoladi.
O‘z o‘yinchilik faoliyati davomida Obameyang bir qator klublarda to‘p tepgan. Pyer-Emerik eng ko‘p o‘yinni Dortmundning «Borussiya»si va Londonning «Arsenal» jamoalarida o‘tkazgan. Hozirda Obameyang 37 yoshda.
«Deportivo» o‘tgan mavsum yakunlariga ko‘ra Ispaniya futbolining eng yuqori divizioniga qaytdi. La Liganing birinchi turida jamoa «Elche»ni qabul qiladi. O‘yin 17 avgust, dushanba kuni bo‘lib o‘tadi.
