«Депортиво» клуби ўзининг расмий сайти орқали ҳужумчи Пьер-Эмерик Обамеянг ўз сафига қўшилганини эълон қилди. Габонлик футболчи Ла-Корунья жамоаси билан икки мавсумга – 2028 йилнинг ўрталаригача мўлжалланган шартнома имзолади.
Ўз ўйинчилик фаолияти давомида Обамеянг бир қатор клубларда тўп тепган. Пьер-Эмерик энг кўп ўйинни Дортмунднинг «Боруссия»си ва Лондоннинг «Арсенал» жамоаларида ўтказган. Ҳозирда Обамеянг 37 ёшда.
«Депортиво» ўтган мавсум якунларига кўра Испания футболининг энг юқори дивизионига қайтди. Ла Лиганинг биринчи турида жамоа «Эльче»ни қабул қилади. Ўйин 17 август, душанба куни бўлиб ўтади.
