Ispaniyalik afsonaviy sobiq futbolchi va murabbiy Xavi Ernandes Ispaniya terma jamoasi va "Barselona"ning hozirgi yulduzi Lamin Yamal haqidagi fikrlari bilan o‘rtoqlashdi.
Vinger yaqindagina 19 yoshini nishonladi, biroq tez orada Yevropa va jahon chempioniga aylanishi mumkin. Mundial finalida ispaniyaliklar Argentina bilan to‘qnash kelishadi.
"Lamin — daho. Balki Ispaniyada hali bunday o‘yinchi bo‘lmagandir. Biz uni 15 yoshida kashf etganmiz. O‘shandayoq u o‘ziga xos ekanligi ko‘rinib turardi. U o‘yinni juda yaxshi tushunadi, doimo to‘g‘ri qarorlar qabul qiladi. Favqulodda o‘yinchi, haqiqiy ne’mat. Unda dunyoning eng yaxshisi bo‘lish uchun barcha narsa mavjud", — dedi Xavi yakshanba kuni bo‘lib o‘tadigan final arafasida Radio Nacional de Espana radiosiga bergan intervyusida.
Eslatib o‘tamiz, 2025 yilda Lamin Yamal "Oltin to‘p" uchun ovoz berishda faqatgina Usmon Dembeledan ortda qolib, ikkinchi o‘rinni egallagan edi.
