Oq uy Jahon chempionati yarim finalida Angliya ustidan qozonilgan g‘alabadan so‘ng futbolchilar tomonidan namoyish etilgan Folklend (Malvin) orollari haqidagi banner bilan bog‘liq janjaldan keyin Argentina terma jamoasini himoya qildi. Uchrashuv 2:1 hisobida yakunlangan edi.
O‘yindan so‘ng argentinaliklar «Malvin orollari Argentinaga tegishli» degan yozuvi bor bannerni ko‘tarib chiqishdi. FIFA ushbu hodisa yuzasidan intizomiy ish ochish imkoniyatini ko‘rib chiqmoqda, chunki tashkilot turnir davomida siyosiy bayonotlar berishni taqiqlaydi.
Oq uyning FIFA bilan hamkorlik bo‘yicha ishchi guruhi rahbari Endryu Juliani argentinalik futbolchilar AQSH Konstitusiyasida kafolatlangan so‘z erkinligiga tayanib, bunday bayonot berishga haqli ekanliklarini bildirdi.
Orollar atrofidagi bahs 1982 yildan beri davom etmoqda, o‘shanda Buyuk Britaniya va Argentina o‘rtasida arxipelag nazorati uchun qurolli mojaro sodir bo‘lgandi. 2013 yilda Folklend orollari aholisi referendumda deyarli bir ovozdan Britaniyaning dengiz ortidagi hududi maqomini saqlab qolish uchun ovoz bergan edi.
