Оқ уй Жаҳон чемпионати ярим финалида Англия устидан қозонилган ғалабадан сўнг футболчилар томонидан намойиш этилган Фолкленд (Мальвин) ороллари ҳақидаги баннер билан боғлиқ жанжалдан кейин Аргентина терма жамоасини ҳимоя қилди. Учрашув 2:1 ҳисобида якунланган эди.
Ўйиндан сўнг аргентиналиклар «Мальвин ороллари Аргентинага тегишли» деган ёзуви бор баннерни кўтариб чиқишди. ФИФА ушбу ҳодиса юзасидан интизомий иш очиш имкониятини кўриб чиқмоқда, чунки ташкилот турнир давомида сиёсий баёнотлар беришни тақиқлайди.
Оқ уйнинг ФИФА билан ҳамкорлик бўйича ишчи гуруҳи раҳбари Эндрю Жулиани аргентиналик футболчилар АҚШ Конституциясида кафолатланган сўз эркинлигига таяниб, бундай баёнот беришга ҳақли эканликларини билдирди.
Ороллар атрофидаги баҳс 1982 йилдан бери давом этмоқда, ўшанда Буюк Британия ва Аргентина ўртасида архипелаг назорати учун қуролли можаро содир бўлганди. 2013 йилда Фолкленд ороллари аҳолиси референдумда деярли бир овоздан Британиянинг денгиз ортидаги ҳудуди мақомини сақлаб қолиш учун овоз берган эди.
