«Inter» «Tottenxem» futbolchisi Jed Spens bo‘yicha muzokaralar muvaffaqiyatsiz yakunlangan taqdirda, «Feyenoord» himoyachisi Jivayro Ridni o‘z ro‘yxatiga kiritdi. Bu haqda Corriere dello Sport xabar bermoqda.

Spens milanliklar klubi uchun ustuvor maqsad bo‘lib qolmoqda, ammo londonliklar futbolchini 35–40 million yevroga baholamoqda. «Inter» futbolchining narxini tushirishga va Jahon chempionati yakunlangach, faol muzokaralarga qaytishga umid qilmoqda.

20 yoshli Rid allaqachon bir qator top-klublar, jumladan «Bavariya», «Arsenal» va «Manchester Siti» nishonida turibdi. Shuni ta’kidlash kerakki, biroz avvalroq «Feyenoord» «Nottingem Forest»ning 25 million yevro atrofidagi taklifini rad etgan edi.

O‘tgan mavsumda Niderlandiya terma jamoasi safida 1 ta o‘yin o‘tkazgan Rid klub safida 20 ta o‘yinda maydonga tushib, 2 ta gol urdi, 3 ta golli uzatmani amalga oshirdi va 3 ta ogohlantirish oldi.