Londonning «Arsenal» klubi Madridning «Atletiko» klubi hujumchisi Xulian Alvaresni o‘z safiga qo‘shib olish fikridan qaytmadi.

Klublar «kanonirlar» sport direktori Andrea Bertaning «matraschilar» vakillari bilan yaxshi munosabatlari tufayli aloqada bo‘lib turishibdi. «Atletiko» o‘z so‘zida turibdi – argentinalik futbolchi sotilmaydi. Shunga qaramay, jurnalist Darmesh Shetxning ta’kidlashicha, «Arsenal»da madridliklarning pozisiyasi o‘zgarishi mumkinligini inobatga olib, vaziyatni diqqat bilan kuzatishda davom etishmoqda.

Xulian Alvaresga «Barselona» ham da’vogarlik qilmoqda, ular hujumchi uchun taxminan 100 million yevro taklif qilishdi. 26 yoshli futbolchining o‘zi ham klubni o‘zgartirishni istamoqda, bu haqda u omma oldida ham gapirgan.