Лондоннинг «Арсенал» клуби Мадриднинг «Атлетико» клуби ҳужумчиси Хулиан Альваресни ўз сафига қўшиб олиш фикридан қайтмади.

Клублар «канонирлар» спорт директори Андреа Бертанинг «матрасчилар» вакиллари билан яхши муносабатлари туфайли алоқада бўлиб туришибди. «Атлетико» ўз сўзида турибди – аргентиналик футболчи сотилмайди. Шунга қарамай, журналист Дармеш Шетхнинг таъкидлашича, «Арсенал»да мадридликларнинг позицияси ўзгариши мумкинлигини инобатга олиб, вазиятни диққат билан кузатишда давом этишмоқда.

Хулиан Альваресга «Барселона» ҳам даъвогарлик қилмоқда, улар ҳужумчи учун тахминан 100 миллион евро таклиф қилишди. 26 ёшли футболчининг ўзи ҳам клубни ўзгартиришни истамоқда, бу ҳақда у омма олдида ҳам гапирган.